حسین طالبی فرشته کوهی

اشو پشو بزومه من شه دله
بنالسمو سرکوه بزومه دله
مه دل تنگ هاییته اسری مه چش پر
نتومبه شه زبون ره بزنم گر
فرشته کوهی من ته بلاره
ته چهار قد طوریه من ته بلاره
من هی بنالم و شما هادین گوش
کوی اندا سنگینی کنده مه دوش
اتی مه دوش اتی مه دل کنار
غمه دوش کشمبه دیار به دیار
فرشته کوهی من ته بلاره
ته‌ چهار قد طوریه من ته بلاره
من و ته تو به تو بیمی هییجه
من و ته اوه و رو بیمی هییجه
چراغ سو نخواستی تاریک شو
من و ته چش سو بیمی هییجه
فرشته کوهی من ته بلاره
ته‌ چهار قد طوریه من ته بلاره
آخ تازه خواستی هه چی به چی هاکنیم
آخ ستاره ور و ور به چی هاکنیم
آخ عجل شاپ‌ بزوئه وه امه میون
آخ شه دست حناره چتی هاکنیم
فرشته کوهی من ته بلاره
ته‌ چهار قد طوریه من ته بلاره