حسین طالبی درد و دل

توسه لله واره پنجه زمه
گسفنه راه دمه کوه خنه زمه
خرابه منزل په کله زمه
ته وسه ونگ و وا تا مله زمه
امان یار هی یار هی یار هی
ته پلی کمه قرار هی
سالی بیست و پنج هزار هی
بوین جان خدا چیکار هاکرده
امه زمستونه بهار هاکرده
ازدار خال بزو دله خار هاکرده
مه یار بورده مه ره تینار هاکرده
امان یار هی یار هی یار هی
ته پلی کمه قرار هی
سالی بیست و پنج هزار هی
سالی بیست و پنج هزار هی
بالای خداجه دارمه آرزو
اول قرآن هسته دوم گفتگو
مه زاره باهیرین دوست و رفیقون
عروسی بهیتنه نامرد رفیقون